Sunnanfirðir

Það þarf fyrst að malbika vegina hérna á sunnanverðum Vestfjörðum og gera þá keyrsluhæfa og fara B-leið svo að við losnum við hálsana.Það er til háborina skammar hvernig við höfum verið látin bíða endalaust eftir keyrlsuhæfum vegum meðan aðrir landsmenn aka um á góðum og malbikuðum  vegum,og malbikað er á suðurlandinu heim að hverjum sumarbústað.Dýrafjarðargöng geta komið seinna,við komumst hvort sem er ekki yfir Dynjandisheiði nema nokkra mánuði á ári.Við sem hér búum sækjum meira suður en norður til Ísafjarðar.Það var heflað fyrir okkur leiðin suður einu sinni í vor og einu sinni í haust,svona er nú ástandið hérna á sunnanverðum Vestfjörðum.

Heilsársvegur milli norður- og suðursvæðis

Athugasemdir

[Eggert Stefánsson (IP-tala skráð) 29.11.2009 kl. 01:25]

Það kemur greinilega fram í fréttinni að alls ekki er verið að tala um að Dýrafjarðargöng eigi að taka á undan vegum í Barðastrandarsýslu.      "Fundurinn hvatti stjórnvöld til þess að hvika ekki frá markaðri stefnu um uppbyggingu Vestfjarðavegar í Barðastrandarsýslu".  Ennfremur að næsta stórverkefni eigi að vera heilsársvegur milli norður og suðursvæðis Vestfjarða.  Þ.e.a.s. næsta stórverkefni á eftir því sem nú er í gangi og fyrirhugað í Barðastrandarsýslum.  Engum dettur í hug að göng milli Dýrafjarðar og Arnarnfjarðar og núverandi vegur yfir Dynjandisheiði nægi til heilsárssamgangna.  Þess vegna er tekin til starfa nefnd sem á að undirbúa og huga að kostum varðandi ný - eða endurlagningu vegar yfir Dynjandisheiði.